ಹಳೆ ರೇಷ್ಮೆ ಸೀರೆಗೆ ನೀಡಿ ಹೊಸ GRAND LOOK..!!

ಸೀರೆ ಸುಂದರವಾಗಿಯೂ ಆಕರ್ಷಕವಾಗಿಯೂ ಹಾಗೂ ಸ್ತ್ರೀಯರಿಗೆ ಗತ್ತುಗೈರತ್ತುಗಳನ್ನು ನೀಡುವಂತ ಉಡುಗೆ ಎಂದರೆ ತಪ್ಪಾಗುದಿಲ್ಲ. ಸೀರೆಗಳು ಭಾರತೀಯ ಸಂಸ್ಕೃತಿಯ ಸಂಕೇತವಾಗಿದ್ದು ಇವುಗಳನ್ನು ಯಾವುದೇ ಕಾರಣಕ್ಲೂ ಪರಿತ್ಯಜಿಸುವಂತಿಲ್ಲ. ಇಷ್ಟಾದರೂ ಸಹ ಅವೇ ಹಳೆಯ ಸೀರೆಗಳನ್ನೇ ಪದೇ ಪದೇ ಉಟ್ಟುಕೊಳ್ಳುವುದಕ್ಕೇ ಬೇಸರರವೆಂದೆನಿಸುತ್ತದೆ ಅಲ್ಲವೇ..?

OLD SILK SAARI


ಹಾಗಿದ್ದಲ್ಲಿ ಆ ಹಳೆಯ ರೇಷ್ಮೆ ಸೀರೆಗಳನ್ನು ಮರುಬಳಸಬಹುದು. ಇದಕ್ಕೆ ಸಂಬಂಧಿಸಿದಂತೆ ಕೆಲವೊಂದು ಮೂಲಭೂತ ಉಪಾಯಗಳು ಇಲ್ಲಿವೆ.

OLD SILK SAARI


*ಕುಶನ್ ಹಾಗೂ ತಲೆದಿಂಬಿನ ಕವರ್‌ಗಳು
ಸೀರೆಗಳು ಸಾಕಷ್ಟು ದೀರ್ಘವಾಗಿರುತ್ತವೆ ಆದ್ದರಿಂದ ಹಳೆಯ ಸೀರೆಗಳನ್ನು ಕುಶನ್ ಹೊದಿಕೆಗಳ ರೂಪದಲ್ಲಿ ಹೇಗೆ ಮರುಬಳಸಿಕೊಳ್ಳಬಹುದೆಂಬುದನ್ನು ಅರಿತಿರುವುದು ಒಂದು ಉತ್ತಮ ವಿಚಾರವಾಗಿದೆ. ಕೇವಲ ಒಂದೇ ಒಂದು ಸೀರೆಯನ್ನು ಬಳಸಿಕೊಂಡು ಹತ್ತಾರು ಕುಶನ್‌ಗಳನ್ನು ಹಾಗು ತಲೆದಿಂಬುಗಳನ್ನು ತಯಾರಿಸಬಹುದು.

OLD SILK SAARI

ಈ ಹೊದಿಕೆಗಳು ಆಕರ್ಷಕವಾಗಿ ಕಾಣುವಂತೆ ಮಾಡುವುದಕ್ಕಾಗಿ ಸೀರೆಯ ಅಂಚನ್ನು ಸೂಕ್ತವಾದ ರೀತಿಯಲ್ಲಿ ಬಳಸಿಕೊಳ್ಳಬಹುದು.

OLD SILK SAARI


ಜೊತೆಗೆ ಈ ಸೀರೆಗಳ ಮೇಲೆ ಒಂದಿಷ್ಟು ಕಸೂತಿಗಳನ್ನು, ಗಾಜಿನ ಕುಸುರಿಕೆಲಸಗಳನ್ನು ಇಲ್ಲವೇ ಫ್ಯಾಬ್ರಿಕ್ ಪೇಂಟಿಂಗ್ ಮಾಡಬಹುದು. ಹಳೆಯ ಸೀರೆಗಳನ್ನು ಮರಿಬಳಸಿಕೊಳ್ಳುವ ನಿಟ್ಟಿನಲ್ಲಿ ಇದೊಂದು ಅತ್ಯುತ್ತಮ ಹಾಗೂ ಸುಲಭದ ಮಾರ್ಗವಾಗಿದೆ.

OLD SILK SAARI


*ಕರ್ಟನ್‌ಗಳು
ಹಳೆಯಸೀರೆಗಳನ್ನು ಪುನಃ ಬಳಸುವ ಮತ್ತೊಂದು ಉಪಾಯ ಏನೆಂದರೆ ಅವುಗಳನ್ನು ಕೊಠಡಿಗಳ ಕರ್ಟನ್‌ಗಳನ್ನಾಗಿ ಪರಿವರ್ತಿಸುವುದು. ಕೊಠಡಿಯ ಗೋಡೆಗಳಿಗೆ ನೀಡಲಾಗಿರುವ ಬಣ್ಣಕ್ಕೆ ಹೊಂದಾಣಿಕೆಯಾಗುವ ಬಣ್ಣದ ಹಳೆಯ ಸೀರೆಯನ್ನು ಬಳಸಿಕೊಂಡು ಕರ್ಟನ್‌ಗಳನ್ನು ರಚಿಸಿಕೊಳ್ಳಬಹುದು. ಹೀಗೆ ಮಾಡಿದ್ದಲ್ಲಿ ನಿಮ್ಮ ಕೊಠಡಿಯ ಅಂದ ಮತ್ತಷ್ಟು ಹೆಚ್ಚುತ್ತದೆ.

OLD SILK SAARI


*ಬೆಡ್‌ಶೀಟ್‌ಗಳು
ಸಾಮಾನ್ಯವಾಗಿ ಬೆಡ್‌ಶೀಟ್‌ಗಳನ್ನು ಹಳೆಯ ಸೀರೆಗಳಿಂದಲೇ ಮಾಡಲಾಗುತ್ತದೆ. ಬೆಡ್‌ಶೀಟ್‌ಗಾಗಿ ಸೀರೆಯನ್ನು ಬಳಸಿಕೊಳ್ಳುವಾಗ ಆ ಸೀರೆಗೆ ಒಂದಿಷ್ಟು ಪ್ಯಾಚ್ ಅಥವಾ ಲೇಸ್  ಕೆಲಸ ಮಾಡುವರ ಮೂಲಕ ಅದು ತಲೆದಿಂಬಿನೊಂದಿಗೆ ಹೊಂದಾಣಿಕೆಯಾಗುವಂತೆ ಮಾಡಬೇಕು. ಅವೆರಡು ಜೊತೆಗೆ ಸೇರಿ ತುಂಬಾ ಅಂದವಾಗಿ ಕಾಣುತ್ತದೆ. 

OLD SILK SAARI


* ಸ್ಕರ್ಟ್ಗಳು, ಟಾಪ್‌ಗಳು ಮತ್ತು ಸಲ್ವಾರ್‌ಗಳು 
ಹಳೆಯ ರೇಷ್ಮೆ ಸೀರೆಯನ್ನು ಸುಂದರವಾದ ಸಲ್ವಾರ್, ಸ್ಕರ್ಟ್, ಟಾಪ್‌ಗಳನ್ನಾಗಿ ಪರಿವರ್ತಿಸಬಹುದು. ಒಂದಿಷ್ಟು ಕಸೂತಿ ಕೆಲಸ. ಗ್ಲಾಸ್ ವರ್ಕ್, ಬೀಡ್ಸ್ ಮುಂತಾದವುಗಳನ್ನು ಬಳಸಿ ನಿಮ್ಮ ಸೃಜನಶೀಲತೆ, ಕಲಾತ್ಮಕತೆಯನ್ನು ಆ ಸೀರೆಗೆ ನೀವು ಸೇರಿಸಿದಲ್ಲಿ ಅಂದವಾದ ಡ್ರೆಸ್ ರೆಡಿಯಾಗುತ್ತದೆ ಹಾಗೂ ಹಳೆಯ ಸೀರೆಗೆ ಹೊಸ ಕಳೆಯನ್ನು ತಂದುಕೊಡತ್ತದೆ.

OLD SILK SAARI
  • ಸುಲಭಾ.ಆರ್.ಭಟ್
  • ಫ್ಯಾಷನ್ ಬ್ಯೂರೋ, ಟ್ರೂನ್ಯೂಸ್ ಕನ್ನಡ

Add new comment

Restricted HTML

  • You can align images (data-align="center"), but also videos, blockquotes, and so on.
  • You can caption images (data-caption="Text"), but also videos, blockquotes, and so on.